LAUGARVATNSÞRÍÞRAUTIN     2017 

Ægir3 stendur fyrir fimmta Íslandsmeistaramótinu í ólympískri þríþaut á Laugarvatni  sunnudaginn 18. júní, einnig verður boðið upp á sprettþraut og liðakeppni sem er tilvalin fyrir þá sem eru að taka sín fyrstu skref í þríþraut.

Ræst verður í ólympískri þríþraut klukkan 9:00 en í sprettþraut klukkan 10:00.

Verðlaun verða veitt í einstaklings- og liðakeppni auk útdráttarverðlauna.

(lokað hefur verið fyrir skráningu)

Skráningu lýkur á miðnætti 14. júní og verður ekki hægt að skrá sig eftir það.

Ólympísk þríþraut
SUND – 1500m í Laugarvatni
HJÓL – 40km tveir hringir um þjóðveg 37 frá Laugarvatni áleiðis að Svínavatni
HLAUP – 10km þrír hringir um göngustíga og götur á Laugarvatni

Í boði bæði einstaklings og liðakeppni
Keppt verður í þremur aldursflokkum karla og kvenna: 16-39, 40-49 og 50+.
Keppnisgjald er 8.500 kr. fyrir einstaklinga en 9.500 kr. fyrir lið.

Athugið að keppnin er úrtökumót fyrir heimsmeistaramót alþjóða þríþrautarsambandsins. ITU

Sprettþraut
SUND – 400m í Laugarvatni
HJÓL – 10km einn hringur um þjóðveg 37 frá Laugarvatni áleiðis að Svínavatni
HLAUP – 3,3km einn hringur um göngustíga og götur á Laugarvatni

Einungis einstaklingskeppni í boði
Keppt verður í karla-og kvennaflokki.
Keppnisgjald er 5.000 kr.

Ráðlagt er að synda í galla en gert er ráð fyrir að vatnið verði um 11-15°C.

Keppnisgöng verða afhent föstudaginn 16. júní, í versluninni TRI á Suðurlandsbraut 32. Á keppnisdag er mæting við skiptisvæðið sem er fyrir framan sundlaugina á Laugarvatni klukkan 7:45. Búningsaðstaða verður í Fontana. Keppnisfundur verður haldinn við skiptisvæðið klukkan 8:00.

Innifalið í keppnisgjaldi eru aðgangur að Fontana og súpa og brauð að lokinni keppni.

Keppt verður samkvæmt reglum Þríþrautarnefndar ÍSÍ um þríþraut.

Mynd af keppnisleiðum. Hjólaleggur sprettþrautar er styttri en á myndinni.

13219711_10157065974735128_1751947437_n13153338_10157065974740128_504804885_n