Category Archives: Tilkynningar

Kynningar- og nýliðafundur Ægis3 6. sept 2018

Kynningar- og nýliðafundur þríþrautarfélagsins Ægis3 verður fimmtudaginn 6.september í fundarsal á 2.hæð í Laugardalslaug.
Farið verður yfir dagskrá vetrarins. Fólk af öllum getustigum getur æft með Ægi3. Nýliðar og forvitnir sérstaklega velkomnir.

Sund- og hlaupaæfingar verða í Laugardal
Hjólað verður á geggjuðum vattahjólum í Sólum við Fiskislóð, Granda

Ægir3 triathlon club welcomes new members for the coming season. We will have a meeting Thursday Sept 6th at 20.00 at the Laugardalur swimmingpool 2nd floor (Laugardalslaug). The meeting will be in Icelandic but please feel free to come and ask questions in the beginning or end of the program.

Swim, outdoor bike and run sessions are/start in Laugardalur (104 Reykjavík)
Indoor bike at Fiskislóð 53, (101 Reykjavík)

Laugarvatnsþríþrautin 24.júní 2018

Ægir3 stendur fyrir sjötta Íslandsmeistaramótinu í ólympískri þríþaut á Laugarvatni  sunnudaginn 24. júní 2018.
Synt í Laugarvatni – Búningaaðstaða og slökun í Fontana.

ÓLYMPÍSK ÞRÍÞRAUT – Íslandsmeistaramót
SUND – 1500m/ HJÓL – 40km/ HLAUP – 10 km
Einstaklings- og liðakeppni(boðsveitir)
Keppni hefst kl: 9:00

HÁLF ÓLYMPÍSK ÞRAUT
SUND – 750m/ HJÓL – 20km/ HLAUP– 5 km
Einstaklingskeppni
Keppni hefst kl: 10:00

Skráning:
Í lengri vegalengdinni er bæði einstaklings- og liðakeppni ásamt byrjendaflokki.
Keppnisgjald er 8.500 kr. fyrir einstaklinga en 9.500 kr. fyrir lið (boðsveit).

Í styttri vegalengdinni er eingöngu einstaklingsskráning.
https://www.netskraning.is/laugarvatnsthrithraut/
Skráningu lýkur kl.23.59 miðvikudaginn 20. júní.

Ægir 3 triathlon club hosts a triathlon event at Laugarvatn (postcode 840), Sunday June 24th, 2018. Olympic distance and a half olympic distance. Wetsuit and helmet are mandatory.

Viðbót 12.júní: Keppnishaldarar Laugarvatnsþríþrautar vilja upplýsa að:
1. Hitastigið í vatninu er núna um 12-13 gráður. Það verður svo nánar mælt fyrir keppni og upplýsingar veittar.
2. Það verður heimilt að nota neoprene sokka og neoprene húfu. Utan yfir verður þó að setja sundhettu.
3. Nánari upplýsingar varðandi hvað verður gert ef vatnið er of kalt eða ef lofthiti/vindkæling er óhagstæð er að vænta alveg á næstunni frá ÞRÍ. Við munum strax setja þessar upplýsingar inn þegar þær berast.
3. Hægt verður að krefja keppendur um að fara í utanyfirgalla á hjólinu ef keppnishaldarar meta aðstæður þannig.
4. Tölvupóstur með nánari upplýsingum verður sendur til skráðra þátttakanda daginn eftir að skráningu lýkur.
5. Hjólaleiðin verður með breyttu sniði í ár vegna framkvæmda og verður farið um Lyngdalsheiði.

Leiðarlýsingar

Sund
 Í ólympískri vegalengd eru syntir tveir “hringir” en einn hringur í hálfri ólympískri vegalengd. Leiðin verður merkt með baujum og flöggum.

Hjól – Ólympísk
Hjólað er frá Íþróttahúsinu upp Laugabraut og beygt til vinstri inn á Dalbraut (vegur 37) að hringtorginu þar sem fyrsti útgangur er tekinn inn á Lyngdalsheiðina (vegur 365). Hjólað er tæpa 10 km eftir Lyngdalsheiðarvegi, að snúningspunkti sem er u.þ.b 400 metrum vestan við Bragabót. Hjólað aftur að hringtorginu, hjólaður heill hringur í því  og Lyngdalsheiðarvegurinn hjólaður aftur upp að snúningspunkti. Síðan er hjólað til baka að hringtorginu, Dalbrautin hjóluð þangað til beygt er til hægri niður Laugabraut og endað við Íþróttahúsið.

Lyngdalsheidi_start_Stop Lyngdalsheidi_oll

Hjólaleið

Hjól – hálf ól.
Hjólað er frá Íþróttahúsinu upp Laugabraut og beygt til vinstri inn á Dalbraut (vegur 37) að hringtorginu þar sem fyrsti útgangur er tekinn inn á Lyngdalsheiðina (vegur 365). Hjólað er tæpa 10 km eftir Lyngdalsheiðarvegi, að snúningspunkti sem er u.þ.b 400 metrum vestan við Bragabót. Hjólað aftur að hringtorginu, Dalbrautin hjóluð þangað til beygt er til hægri niður Laugabraut og endað við Íþróttahúsið.

 

Hlaup – Ólympísk:
Byrjað er á að hlaupa eftir Hverabraut í átt að gamla íþróttakennaraskólanum og snúið við um keilu. Síðan eru hlaupnir 3 hringir af eftirfarandi: Framhjá íþróttahúsinu, beygt til vinstri inn Laugabraut og svo til hægri inn Lindarbraut. Lindarbrautin er hlaupin þangað til hún beygir til vinstri, en þar er haldið beint áfram eftir göngustíg þangað til komið er í Hrísholt. Hlaupið eftir Hrísholtinu þangað til beygt er til vinstri inn á Dalbraut. Hlaupið eftir Dalbraut framhjá menntaskólanum og hringtorginu. Fyrsta beygja til vinstri eftir hringtorgið og eftir malarvegi og stíg þangað til að komið er að íþróttahúsinu aftur.

Hlaup, ólympísk vegalengd

Hlaup, ólympísk vegalengd

Hlaup – hálf ól.
Hlaupnir eru 2 hringir, fyrst minni hringur og síðan stærri hringur. Stærri hringurinn er sá sami og heila ólympíska fer. Hlaupið frá íþróttahúsinu til vinstri inn á Laugabraut. Beygt til vinstri inn á Dalbraut. Hlaupið eftir Dalbraut framhjá menntaskólanum og hringtorginu. Fyrsta beygja til vinstri eftir hringtorgið og eftir malarvegi og stíg framhjá íþróttahúsinu aftur (fyrri hring lokið), beygt til vinstri inn Laugabraut og svo til hægri inn Lindarbraut. Lindarbrautin er hlaupin þangað til hún beygir til vinstri, en þar er haldið beint áfram eftir göngustíg þangað til komið er í Hrísholt. Hlaupið eftir Hrísholtinu þangað til beygt er til vinstri inn á Dalbraut. Hlaupið eftir Dalbraut framhjá menntaskólanum og hringtorginu. Fyrsta beygja til vinstri eftir hringtorgið og eftir malarvegi og stíg þangað til að komið er að íþróttahúsinu aftur.

Hlaup, hálf ólympísk vegalengd

Hlaup, hálf ólympísk vegalengd

Keppnin
Ræst verður úti í vatninu og allir ræstir á sama tíma í sömu vegalengd. Keppendur eru í blautgöllum og með flöguna festa við ökkla. Keppendur labba út að rásmarki í vatninu sem merkt verður með flöggum. Það er hægt að botna á flestum stöðum í Laugarvatni en einnig verður bátur á vatninu til að gæta öryggis sundfólks. Eftir að sundi er lokið á að fara aftur á milli flagganna á leiðinni í land. Á skiptisvæðinu eru gallarnir skildir eftir við hjólastæðið og keppendur taka hjálm, númer á númerabelti (númerið snúi aftur) og hjól. Boðsveitir færa flöguna á milli liðsfélaga. Við mælum með að fólk fari í peysu eða jakka eftir sundið svo það nái að halda á sér hita á hjólinu. Mótstjórn er komin með leyfi til að krefjast þess að keppendur klæði sig vel fyrir hjólið ef samspil vatns- og lofthita verður óhagstætt. Hjólið er leitt út af skiptisvæðinu að merktri línu þar sem má fara á hjólið og hjóla af stað (sjá mynd af hjólaleið). Eftir hjólalegg er aftur hjólað að skiptisvæði, farið af hjólinu við línuna og hjólinu skilað á sama hjólastæði. Númerabeltinu er nú snúið þ.a. númerið sjáist framan á keppandanum. Ekki má fara út af skiptisvæðinu með hjálminn. Keppendur í ólympískri vegalengd hlaupa þrjá merkta hringi með smá (sjá hér ofar lýsingu og mynd af hlaupaleið) en keppendur í hálfri vegalengd hlaupa aðra leið í byrjun og svo einn hring eins og ólympíska vegalengdin (sjá leiðarlýsingu ofar).

Reglur
Ólympíska vegalengdin er hluti af stigakeppni Þríþrautasambands ÍSÍ og keppt er eftir reglum sambandsins í báðum vegalengdum, sjá reglurnar.  Við minnum sérstaklega á nokkur atriði: Blautbúninga- og hjálmaskylda. Bannað er að hjóla með tónlist í eyrunum, bannað er að henda rusli t.d. utan af orkugeli. Hjóla þarf hægra megin á veginum með 10 metra lágmark í næsta keppanda því bannað er að nýta sér skjól af keppanda og bílum.
Aldurstakmark er 16 ára, miðað við fæðingarár.
Allir keppendur eru á eigin ábyrgð í keppnum.

Innitvíþraut World Class og Ægis3 15. mars 2018

Fyrri innitvíþraut Ægis3 árið 2018 verður fimmtudaginn 15. mars

Mæting kl.20.10 Keppnin byrjar kl.20.40

500 m sund og 5 km hlaup á bretti

Keppni í flokkum

  • 16-24 ára
  • 25-29 ára
  • 30-39 ára
  • 40-49 ára
  • 50 ára og eldri

Synt er í 50 m innilaug Laugardalslaugar og hlaupið á hlaupabrettum í World Class Laugum.

Forskráningu lýkur kl: 12:00 á hádegi daginn fyrir keppni.

Þátttökugjald er 2.500kr.
Skráning á https://www.netskraning.is/innitvithraut/
Keppnisgögn eru afhent í World Class Laugum. Vinsamlegast mætið tímanlega, eigi síðar en 30 mínútum fyrir keppni!

Upphitun í laug hefst kl. 20:30.  Aðgangur í búningsklefa World Class er innifalinn í þátttökugjaldi.

Nánari upplýsingar hjá: 3aegir@gmail.com

World Class Innitvíþrautir 2016-2017

Innitvíþrautir World Class og Ægis3

500m sund / 5km hlaup

Tvær stakar þrautir

  • Fimmtudaginn 24. nóvember 2016 klukkan 20:40
  • Fimmtudaginn 23. febrúar 2016 klukkan 20:40

Keppni í flokkum

  • 16-24
  • 25-29 ára
  • 30-39 ára
  • 40-49 ára
  • 50 ára og eldri
  • Liðakeppni

Synt er í 50m innilaug Laugardalslaugar og hlaupið á hlaupabrettum í World Class Laugum.

Skráning á aegir3.is. Engin skráning á staðnum. Forskráningu lýkur kl: 23:00 tveimur dögum fyrir báðar keppnir.

 Þátttökugjald

  • Þátttökugjald er 2.500kr fyrir eina þraut.
  • Þátttökugjald í boðþraut (relay einn sundmaður/einn hlaupari) er 3.000kr fyrir eina þraut.

Keppnisgögn eru afhent í World Class Laugum. Vinsamlegast mætið tímanlega, eigi síðar en 30 mínútum fyrir keppni! Upphitun í laug hefst kl. 20:30

Aðgangur í búningsklefa World Class er innifalinn í þátttökugjaldi.

Nánari upplýsingar hjá:

Gunnhildur (8467292) 3aegir@gmail.com

14962844_10157855870770128_1769172876_n

 

Keppnisreglur

keppnisreglur-docx

 

Kynning á starfi Ægir3 2016 – 2017

Í gærkvöldi  var vel mætt á kynningarfund Ægir3 í Laugardalnum.

Farið var yfir starfsemi félagsins, dagskrá næsta árs, lykilæfingar,
nýjungar í þjálfunaráætlunum – hópaskiptingu eftir getu, æfingabúðir,
keppnir, gleði og langtímaplön.

Þríþrautarfólkið Sigurður Örn Ragnarsson og Þórunn Margrét Gunnarsdóttir
sögðu svo skemmtilega frá sínu kynnum af þríþraut.

Léttar íþróttaveitingar voru í boði BMC hjóla á Íslandi – Takk fyrir Jens!

Meðfylgjandi er kynningin sem Gunnhildur og Geir voru með:  Kynningarfundur2016

Íslandsmót í ólympískri þríþraut á Laugarvatni

Ægir3 stendur fyrir Íslandsmeistaramóti í ólympískri þríþaut á Laugarvatni  sunnudaginn 12. júní, einnig verður boðið upp á sprettþraut.

Ræst verður í ólympískri þríþraut klukkan 9:00 en í sprettþraut klukkan 9:30.

Verðlaun verða veitt í einstaklings- og liðakeppni auk útdráttarverðlauna.

(Skráning í ólympíska þríþraut hér)

(Skráning í sprettþraut hér)

Skráningu lýkur á miðnætti 8. júní og verður ekki hægt að skrá sig eftir það.

Ólympísk þríþraut
SUND – 1500m í Laugarvatni
HJÓL – 40km tveir hringir um þjóðveg 37 frá Laugarvatni áleiðis að Svínavatni
HLAUP – 10km þrír hringir um göngustíga og götur á Laugarvatni

Í boði bæði einstaklings og liðakeppni
Keppt verður í þremur aldursflokkum karla og kvenna: 16-39, 40-49 og 50+.
Keppnisgjald er 7.500 kr. fyrir einstaklinga en 9.000 kr. fyrir lið.

Sprettþraut
SUND – 400m í Laugarvatni
HJÓL – 10km einn hringur um þjóðveg 37 frá Laugarvatni áleiðis að Svínavatni
HLAUP – 3,3km einn hringur um göngustíga og götur á Laugarvatni

Einungis einstaklingskeppni í boði
Keppt verður í karla-og kvennaflokki.
Keppnisgjald er 5.000 kr.

Ráðlagt er að synda í galla en gert er ráð fyrir að vatnið verði um 11-15°C.

Keppnisgöng verða afhent föstudaginn 10. júní í versluninni TRI Suðurlandsbraut 32 milli kl: 15 og 18. Á keppnisdag er mæting við skiptisvæðið fyrir framan sundlaugina á Laugarvatni klukkan 7:45. Keppnisfundur verður haldinn við skiptisvæðið klukkan 8:00.

Veitingar fyrir keppendur að lokinni keppni og við verðlaunaafhendingu.

Keppt verður samkvæmt reglum Þríþrautarnefndar ÍSÍ um þríþraut.

Mynd af keppnisleiðum. Hjólaleggur sprettþrautar er styttri en á myndinni.

13219711_10157065974735128_1751947437_n13153338_10157065974740128_504804885_n

 

Ný stjórn hefur skipt með sér verkum

Ný stjórn hjá Ægir3 tók til starfa nú í febrúar

Stjórnarmenn hafa skipt með sér verkum

Stjórn 2016:
Formaður:  Gunnhildur Sveinsdóttir, dundasveins(hjá)gmail.com
Gjaldkeri:  Kári Steinar Karlsson, ksk(hjá)verkis.is
Ritari:  Sigríður Þóra Valsdóttir, siggatv(hjá)gmail.com
Meðstjórnandi:  Geir Ómarsson, nossramo(hjá)yahoo.com
Meðstjórnandi:  Stephen Patrick Bustos,  stuckiniceland(hjá)yahoo.com

Einnig er hægt að hafa samband við stjórn og þjálfara í gegnum 3aegir(hjá)gmail.com

aegir3_stjorn_2016
Stjórn Ægir3

 

Ný stjórn hjá Ægir3

Ný stjórn hjá Ægir3

Aðalfundur var haldinn laugardaginn 6. febrúar, farið var yfir skýrslu stjórnar, reikninga félagsins og kosin var ný stjórn.

Nýja stjórn skipa – Geir Ómarsson, Gunnhildur Sveinsdóttir, Kári Steinar Karlsson, Stephen Patrick Bustos og Sigríður Þóra Valsdóttir
Skipaðir voru fulltrúar í Mótanefnd, fjáröflunar-/styrktaraðilanefnd og skemmtinefnd
Geir Ómarsson sagði frá sínum ævintýrum frá árinu 2015

Seinna um kvöldið var haldin vel heppnuð árshátíð, þar sem Binni slóg í gegn með frábærum veitingum og árshátíðarnefndin sá til þess að allir skemmtu sér vel

Geir og Sarah voru útnefnd þríþrautarfólk ársins hjá Ægir3, Pétur Hannesson var valinn besti nýliðinn og Svavar G. Svavarsson fékk viðurkenningu fyrir mestu framfarir.  Aðrar viðurkenningar hlutu Guðjón Karl (Gutti), Ben, Hrafnhildur Mooney og Stephen Bustos

Áfram Ægir3

Aegir3_verdlaunAegir3_matur